Árleg ráðstefna um skáldskap fyrir börn og unglinga í Gerðubergi laugardaginn 5. mars kl. 10:30. Gestum gefst tækifæri til að hlýða á fyrirlesara og taka þátt í umræðum um hlutverk og stöðu bókmennta fyrir börn og ungmenni í dag.

Í ár er sjónum beint að því hvernig margbreytileiki birtist í barnabókmenntum. Um mikilvægi þess að tilheyra og eiga heima í skáldskap. Persónur, börn og unglingar, fjölskyldur, kyn, kynhneigð, efnahagur, skynjun, þjóðerni, tungumál, trú, upplifun á veruleikanum er allskonar og það er gott að vera öðruvísi.

 

Fyrsta Morgunkorn Upplýsingar árið 2022 var haldið þann 17. febrúar á Teams.

Umfjöllunarefnið var Bókasafnasjóður, tilurð hans og aðdragandi að fyrstu úthlutun sem var í janúar sl. en frestur til að sækja um fyrir næstu úthlutun er 15. mars nk.

Þær Ingibjörg Steinunn Sverrisdóttir landsbókavörður og Pálína Magnúsdóttir borgarbókavörður komu á fundinn og sögðu frá málefnum bókasafnasjóðs.

Við minnum á að umsóknarfrestur í bókasafnasjóð rennur út 15. mars nk. Eru bókasöfn hvött til að skoða umsóknarmöguleika og senda inn umsókn. Nánari upplýsingar á Rannís:

https://www.rannis.is/sjodir/menning-listir/bokasafnasjodur/ 
og 
https://www.rannis.is/frettir/auglyst-er-eftir-umsoknum-i-bokasafnasjod-1