Copy
View this email in your browser

FREGNIR
Fréttabréf Upplýsingar
6. nóvember 2020

2. tölublað 2020

Morgunkorn 12. nóvember 2020

Á morgunkorninu fjalla Sigurgeir Finnsson og Ingibjörg Steinunn Sverrisdóttir frá Landsbókasafni Íslands - Háskólabókasafni um innleiðingu nýs kerfis sem er ætlað að halda utan um rannsóknir íslenskra vísindamanna og hlutverk háskólabókasafna í innleiðingu og viðhaldi þess.

Morgunkornið verður eingöngu sent út í streymi, skráning er hafin: tengill í skráningareyðublaðið

Sjá nánar í frétt á vef Upplýsingar.

Viðburðir framundan


Við bíðum átekta með að boða til viðburða vegna aðstæðna í samfélaginu. Í október var fyrirhuguð vísindaferð, en í bili bíðum við með að boða til hennar.

Næsta Morgunkorn verður 12. nóvember eins og áætlað var og send verður út frá því í streymi.

Stefnt verður áfram að því að halda jólagleði Upplýsingar 27. nóvember í Grófinni, þar til annað kemur í ljós.

Alþjóðleg vika opins aðgangs 2020


 

Alþjóðleg vika baráttu fyrir opnum aðgangi að vísindagreinum var haldin Í 13. sinn dagana 19. – 23. október 2020. Fimm bókasafns- og upplýsingafræðingar frá íslenskum háskólabókasöfnum skrifuðu blaðagreinar til að vekja athygli á þessum mikilvæga málstað og til að benda á það eignarhald sem bandarískir og breskir útgefendur hafa á rannsóknum háskóla sem margir eru reknir af almannafé. Greinarnar birtust daglega í Kjarnanum þessa viku.

Sjá nánar í frétt á vef Upplýsingar

 

 Fregnir af innlendum vettvangi

Samningur um nýtt bókasafnskerfi undirritaður

Landskerfi bókasafna hefur tilkynnt  að þann 4. nóvember 2020 hafi verið undirritaður samningur við ExLibris um bókasafnskerfið Alma og Primo VE leitargáttinni. Gert er ráð fyrir að innleiðing kerfanna taki 15 mánuði eftir að þriggja mánaða undirbúningsfasa sem hefst um miðjan þennan mánuð lýkur, sem þýðir að við gætum verið að byrja að vinna í nýju kerfi um mitt ár 2022.

Upplýsing óskar Landskerfi bókasafna og öllum upplýsingafræðingum til hamingju með þennan mikilvæga áfanga

Stjórnarfundur 21. október 2020

Stjórn Upplýsingar fundar reglulega í gegnum fjarfundabúnað, á stjórnarfundi þann 21. október var farið yfir starfið framundan og þau erindi sem borist hafa frá síðasta fundi. 

Covid-19 faraldurinn hefur óneitanlega áhrif á verkefni stjórnar, innlendum viðburðum hefur þurft að fresta eða hætta við en þeim sem hægt er að hafa í streymi verður haldið til streitu, eins og Morgunkorni.

Erlendar ráðstefnur og fundum alþjóðlegra samtaka hefur einnig verið frestað eða sett á netið.

Samstarfið heldur þó áfram og stjórn er bjartsýn á að með hækkandi sól verði hægt að boða til samverustunda félagsmanna.

 Fregnir af erlendum vettvangi

Covid hefur víðtæk áhrif um allan heim. 
 

IFLA WLIC 2021 verður haldin í streymi

IFLA hefur sent frá sér tilkynningu um að næsta World Library and Information Science ráðstefna verði stafræn. Þeir eru að gera könnun sem stendur til 8. nóvember og óska þar eftir hugmyndum og tillögum frá öllum aðildarfélögum um efni ráðstefnunnar. Könnunina má nálgast hér

Upplýsing mun auglýsa þessa ráðstefnu betur þegar nær dregur. 

Aðalfundur IFLA var haldinn 5. nóvember 2020 í streymi, fundinn er hægt að skoða á youtube rás IFLA, General Assembly 2020

Twitter
Facebook
Website
Upplýsing á YouTube
© 2020

Upplýsing - félag bókasafns- og upplýsingafræða 

www.upplysing.is
upplysing@upplysing.is


Viltu breyta áskrift þinni?
Hér getur þú breytt áskrift eða afskráð þig af þessum póstlista.


 






This email was sent to <<Email Address>>
why did I get this?    unsubscribe from this list    update subscription preferences
Upplýsing · Pósthólf 8865 · Reykjavík 128 · Iceland

Email Marketing Powered by Mailchimp