Copy
View this email in your browser

FREGNIR
Fréttabréf Upplýsingar
30. ágúst 2022

5. tölublað 2022

Bókasafnsdagurinn
8. september 2022


Það styttist í stóra daginn, bókasafnsdagurinn verður haldinn hátíðlegur á bókasöfnum um allt land fimmtudaginn 8. september nk. Þema dagsins er: Lestur er bestur – á öllum tungumálum.

Gott að fylgjast vel með á vef Bókasafnsdagsins, en þar er að vanda að finna kynningarefni til útprentunar, hugmyndir að viðburðum og ýmislegt fleira.

Að venju verður haldið sérstakt Morgunkorn að morgni Bókasafnsdagsins þar sem félagsmenn Upplýsingar og starfsmenn bókasafna koma saman, halda upp á Bókasafnsdaginn, þiggja léttar veitingar og hlusta á erindi í tilefni dagsins. Morgunkornið verður einnig í fjarfundi en þeir sem vilja mæta á staðinn eru beðnir um að skrá sig hér að neðan.

Við hefjum gleðina á morgunkaffi kl.8:15 en dagskráin sjálf hefst 8:45. 

Staður: Bókasafn Menntaskólans við Hamrahlíð

  • 08:15 – Húsið opnar/morgunmatur
  • 8:40/8:45 – Formaður Upplýsingar kynnir
  • 8:45-9:15 – Friðrik Rafnsson, þýðandi, flytur erindi 
  • 9:15- 9:20 – Kynning á vali starfsfólks og gesta bókasafna þegar kemur að leslista í tengslum við þema dagsins

Markmið bókasafnsdagsins er tvíþætt, að vekja athygli á mikilvægi bókasafna í samfélaginu og einnig að vera dagur starfsmanna safnanna.

Rík hefð er komin á að brjóta upp daginn og bjóða upp á einhverskonar uppákomur, viðburði eða sérstaka þjónustu í tilefni af Bókasafnsdeginum fyrir gesti safnsins. 

Við hvetjum söfn og stofnanir til að gera daginn frábrugðinn öðrum dögum, draga fram áhugaverðar bækur tengdar efni dagsins og vekjum athygli á starfinu, hlutverki safnanna og mikilvægi þeirra í samfélaginu.
 

SKRÁNING Á MORGUNKORN BÓKASAFNSDAGSINS
FJARFUNDUR

Málþing Upplýsingar

föstudaginn 14. október, eftir hádegi

Nú stendur yfir undirbúningur fyrir Málþing Upplýsingar, en það er haldið annað hvert ár. Þemað í ár verður Bókasafn framtíðarinnar. Dagskráin er hin glæsilegasta og von er á fjölbreyttum fyrirlesurum innlendum sem og erlendum. Takið daginn frá, nánari upplýsingar koma síðar.

 

Twitter
Facebook
Website
Upplýsing á YouTube
© 2022

Upplýsing - félag bókasafns- og upplýsingafræða 

www.upplysing.is
upplysing@upplysing.is


Viltu breyta áskrift þinni?
Hér getur þú breytt áskrift eða afskráð þig af þessum póstlista.


 






This email was sent to <<Email Address>>
why did I get this?    unsubscribe from this list    update subscription preferences
Upplýsing · Pósthólf 8865 · Reykjavík 128 · Iceland

Email Marketing Powered by Mailchimp